Compromiso Corporativo

APK Xestión de Aparcamentos S.A. (APK2) recoñece e prioritiza a seguridade cibernética e da información como un eixe integral e transversal no exercicio das súas operacións, como parte do seu Sistema de Xestión de Seguridade da Información (SGSI), sendo o marco para todos os seus procesos estratéxicos, tácticos e operativos.

Empregará todos os seus esforzos no desenvolvemento de proxectos e directrices que lle permitan acadar a máxima eficacia na salvagarda da seguridade da información, apostando a diario pola mellora continua, a madurez e resiliencia para mellorar a seguridade da información.

Está altamente comprometida coa seguridade da información e coa protección e privacidade dos datos, e por iso enfoca o seu modelo de xestión de riscos na confianza cero, establecendo e aplicando todo tipo de controis para identificar, protexer, detectar, responder e recuperar a información fronte a calquera tipo de ataque cibernético que poida impactar nos activos de información da sociedade.

Obxecto

Establecer as directrices para xestionar a seguridade da información coa misión de garantir a confidencialidade, integridade e dispoñibilidade da información en toda a organización de APK2.

Ámbito de Aplicación

Esta política é de aplicación a todos os colaboradores, persoal contratado e terceiros que realicen labores para APK2 e mesmo a provedores externos de produtos ou servizos tecnolóxicos, que teñan acceso a activos da información de APK2.